تواعدنا لبعض نشتاق ولو ما بيننا غياب
وأنا ابني لك بهواي عشٍ طيوره انت تسكني
وتعاهدنا ان قصتنا مايجزيها ألف كتاب
ولو بذكر رؤوس أقلام ترى يديني بتتعبني
ولو هالكون يظلمني أبد قلبي عنك ماتاب
تراك انت على راسي وعليك الناس تحسدني
تواعدنا محبتنا تكون جبال ماهي تراب
جبل يصرخ:أنا قوه وهذي الريح ما تهزني
واذا على الشط تلاقينا عن العالم نكون أغراب
يسود الصمت ومن العيون أنا أفهمك وتفهمني
ماغير الموج يهمس لي:ترى يلعب..ترى كذاب
أخاف وتوقف أنفاسي..أقوله :كيف؟خبرني
علّي يضحك يطمني يقول انه بهواك ذاب
تراه قالي:أعزه موت وابيه لايكون بك ظني
وتواعدنا بزمان الحب أنا وانت نكون أحباب
لنا تشهد طبيعتنا أحبك وانت تحبني